免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

性慾分10 匹配 如魚得水

http://the-sun.on.cc/cnt/adult/20111105/00511_001.html

有很多伴侶因為性生活不協調,最終導致出現問題,甚至離婚收場,所以有性學專家指出,性愛出現不和諧現象,是由於伴侶雙方嘅性慾類型唔匹配造成。專家更指出人類嘅性慾可以分為10種類型,而伴侶雙方嘅性慾類型愈相似就愈匹配,幫助締造和諧完美嘅性生活。

儘管研究顯示呢啲性慾類型70%係由基因決定,即係話天生如此,但既然命運都可以靠後天努力改變,區區小事又點會冇得改。快啲睇吓以下10種類型分析,從中尋覓匹配嘅類型,咁就可以性福滿瀉啦!

感覺型 重視性愛表現

呢類型人認為情感嘅親密取決於性愛表現之上,假如伴侶在做愛過程中表現得不夠投入,你好可能會抱怨。所以一定要重新理解伴侶對性愛嘅表達方式,唔投入唔一定代表佢唔愛你,有可能係佢獲得滿足嘅方式都唔定。

旺盛型 喜試新技巧

勇於突破界限,不斷嘗試新技巧。對於一個喜歡循規蹈矩嘅性伴侶而言,旺盛型難免會備受批判。除非你嘅伴侶都係「旺盛型」,否則你嘅性愛態度便會過於霸道,或者可以嘗試變得溫柔啲,同埋接受對方嘅木訥。

依賴型 做愛減壓

呢類型嘅人渴望通過性愛獲得放鬆,經常用性愛來消除壓力。萬一喺性愛上遭受到拒絕,就會感到不安。呢類型嘅人多數係男性,通常始於青春期,藉自慰嚟解決壓力同失眠問題,形成習慣。你應嘗試搵其他方法紓解壓力,以減輕伴侶負擔。

資格型 忽視性愛動力

佢哋認為性生活係伴侶嘅本分同職責,忽視咗性愛嘅動力因素,太過理所當然。其實和諧嘅關係一定要建基於雙方性愛嘅需要,同埋互相了解。所以呢類型人必須多理解伴侶嘅性需求,並且認同伴侶嘅地位。

成癮型 性慾高漲

成癮型性慾經常高漲不下,難以控制。同樣對情感嚴重缺乏安全感,一旦有人對你作出性挑逗,就會立即被牽住走,所以發生婚外情機會好大。不妨嘗試跟伴侶多啲心靈溝通,重建你對家庭嘅責任感。

付出型 滿足對方

因為不夠自信,所以不敢奢望自己嘅需要能夠得到滿足,反而經常為滿足伴侶而待薄自己,最終會因為日積月累嘅不滿足而作出反擊。應將自己嘅性需求放喺優先位置,愛你嘅伴侶,一定想令你喺性事上得到滿足!

緊張型 性愛壓力

呢類人對於自己能否喺性愛中表現良好、有足夠持久力等等,感到莫大嘅壓力。伴侶能夠假裝高潮來臨,但係對男人嚟講,想假裝勃起則絕對唔可能,所以好多男人都有潛在壓力問題,一定要放鬆面對,先可以重拾性趣。

緊張型 性愛壓力

呢類人對於自己能否喺性愛中表現良好、有足夠持久力等等,感到莫大嘅壓力。伴侶能夠假裝高潮來臨,但係對男人嚟講,想假裝勃起則絕對唔可能,所以好多男人都有潛在壓力問題,一定要放鬆面對,先可以重拾性趣。

冷淡型 性趣缺缺

呢類人對於自己能否喺性愛中表現良好、有足夠持久力等等,感到莫大嘅壓力。伴侶能夠假裝高潮來臨,但係對男人嚟講,想假裝勃起則絕對唔可能,所以好多男人都有潛在壓力問題,一定要放鬆面對,先可以重拾性趣。

分心型 易被困擾

性動力相當高,性事表現經常保持良好,但卻容易分心,無論工事或私事上,遇上任何小問題,都會令你感到困擾。不妨多點和伴侶分享心事,解決內心困擾,就有望回勇。

強制型 特別性癖

享受特定嘅性愛模式,有某類性癖好。藉癖好達成內心性需要,由於同愛情無關,所以性對象可以係任何人。伴侶如果接受唔到你嘅性癖好,必定會分手收場。
返回列表