免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

男人床上精力旺盛 伴侶最冧

http://the-sun.on.cc/cnt/adult/20111108/00511_001.html

男人最緊要精力旺盛,尤其是上到床,少啲精力都會畀對手KO,仲會嘴藐藐咁睇低你嘅性能力,到時真係咩自信心都冇晒。所以男人除咗要識得搵錢之外,仲要識得保持精力旺盛,咁先可以自信心爆棚,魅力自然大增,伴侶見到充滿自信嘅男人,都會冧到爆!

以下有幾種簡單事項,係美國性學專家提供嘅意見,男人只要多做,就可以令身體保持活力,精力充沛。專家更指出呢幾種事項,表面上看似好簡單,人人都會做,但其實好多男人都經常忽略,因而導致精力直線下降,床上表現差勁。

晨操身體好

起床後跟伴侶嚟一場晨操,不僅可以為身體充電,而且能加倍燃燒卡路里。好多男人誤以為做晨操必須要5點鐘爬起身進行,其實晨早做愛,可以進行快餐式性愛,唔一定做足前戲,最緊要挑起伴侶性趣,就算過程只得5分鐘,都已經可以達到理想效果,精神爽利。

朝早飲杯水

身體如果長期處於缺水狀態,好容易感覺疲倦,所以清早起來先喝一杯水或牛奶,為腸胃清潔一下,也為五臟六腑加些「潤滑劑」;之後每日至少飲一公升水,就算多過此數,也是有益無害,但少過卻會令自己精力不繼。

講究食早餐

美國有研究發現,唔食早餐嘅人,體重容易超標,做愛亦會唔夠耐力;有吃早餐嘅人則精力充沛得多,身形也相對均勻。不過,早餐也要講求健康先得,想精力長期處於高水平,專家建議吃兩片全麥麵包,一塊煙三文魚同埋一個番茄,後者對前列腺疾病更有預防功效。

傾訴助減壓

根據荷蘭嘅一項研究表示,性格內向、害羞嘅人往往容易覺得累,而外向嘅人精力比較旺盛,原因係外向嘅人,善於傾訴,會把自己嘅煩惱、壓力及倒楣事說出來,咁就更容易將壓力消除,相反,喜歡安靜獨處,不愛社交嘅人,缺乏紓緩壓力嘅渠道,性能力好容易會被壓力所影響。

站立講電話

唔好睇小企喺度講電話咁小事,因為都市人工作時間長,坐着辦公嘅時候自然長,偶爾站立一下對筋骨絕對有好處,所以最好趁打電話嘅時候,乘機企吓舒展吓筋骨,最好一邊講一邊深呼吸,令含氧氣嘅血液流進大腦,呢個咁簡單嘅動作,就足以令你放工後,床上表現勇猛。

唱歌解怨氣

美國性學專家話淋浴時大聲唱歌,可以促進身體釋放內啡呔,從而產生一種快樂同埋幸福嘅感覺。所以你愈係心情唔好嘅時候,就愈要大聲唱歌,將自己一肚怨氣唱晒出嚟,上到床就唔會頭耷耷,甚至可以有本事令伴侶高聲大叫添!
返回列表