免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

下體激凸 出水兼動L 吳業坤奪生力軍金獎


坤坤上一台已經激動到冇人聽到佢講咩!


仲激動到動L!


又喊啦,森美呵番!


雖然今次都係喊得激動,但係唱歌冇事!


雖然拎定貓紙,但激動到氣喘!


唔好喊啦,傻豬~

吳業坤奪生力軍金獎 喊到出水兼動L

【on.cc東網專訊】 《叱咤頒獎典禮》頒發生力軍大獎,銅獎由14歲嘅黃淑蔓奪得,銀獎由JUDE奪得,JUDE上台時非常緊張,並感動地感謝父母!

森美提到金獎時,全場歡呼,佢指金獎者成日唱人哋啲歌,今次輪到人哋唱佢嘅歌,之後一班小朋友就戴上霧化眼鏡唱出坤坤嘅《陽光點的歌》,令到坤坤喺台下即時喊晒,上台時,森美笑指之前眼鏡霧化,今次竟然出水,坤坤亦拎出寫定嘅貓紙,緊張說:「多謝DJ,由比賽完咗開始…」因為緊張得濟,冇人聽到佢講咩,森美仲搞笑話讀唇都唔得,坤坤之後說:「啲人可能覺得我係毒男,搞gag,唔知我係咪歌手!」又表示喺呢幾年發生嘅事,成就今日嘅佢,之後就多謝tvb畀機會佢,同多謝樂小姐、珍姐!即被森美笑,話竟然喺叱咤多謝TVB,而坤坤之後再多謝森美畀咗個朵佢,話如果唔係個個都仲叫佢做James,最後更因為緊張手出汗而搞到貓紙濕咗,睇唔到,仲彈咗句:「死喇!睇唔到添!」非常搞笑!而坤坤唔知係咪太興奮,睇番全身相,竟然出現動L情況,認真誇張!


http://hk.on.cc/hk/bkn/cnt/enter ... 0101_00862_001.html

坤哥拎新力軍金獎,睇得出係天賦異稟


其實歷年都有唔少男歌手試過台上動L,坤哥千祈唔好怕羞。


陳柏宇唱唱下都凸


坤哥今日就話試過條褲冇激凸。(坤哥facebook圖片)

軒仔話呢個係值得動L嘅時刻。(攝影:仇志德)

【心情亢奮下體激凸】偽毒坤哥認動L:試嗰陣時無事

超級新人王吳業坤噚晚喺《2015年度叱咤樂壇流行榜頒獎典禮》拎咗「新力軍」金獎,仲連奪「我最喜愛男歌手」同「我最喜愛歌曲」,十分威水。不過佢喊住上台嘅時候,就俾人發現佢下體激凸,疑似動L!

其實上台得獎唱歌激動起上嚟,心情亢奮都在所難免,有唔少男歌手都試過喺台上唱唱下歌俾人發現動L,06年陳小春唱拉闊音樂會試過,09年陳柏宇搞簽唱會都試過。而坤哥今日再係facebook貼相繼續講佢條褲話:「係屋企試嗰陣時無事ga!!!!!!!!!!」言下之意,似乎都間接承認上台係真動L。

而喺噚晚慶功宴上,張敬軒就大讚坤哥有觀眾緣,佢覺得過去幾年啲新人未必有咁強認受性,但係坤哥就象徵住某啲香港人。之後軒仔被問到坤哥疑似動L,佢笑住話坤哥可能天賦異稟,又話坤哥上台拎到咁多獎,都係值得動L嘅!更爆嘅係,軒仔仲話,如果俾着係佢自己拎咁多獎,都會喺台上動L添!

咁軒仔滿唔滿意自己成績?軒仔就話得到男歌手金獎已經好開心,不過佢上台竟然冇多謝好友關智斌,軒仔話咁多年得獎仍然會緊張,可能會漏咗啲人冇多謝到。


http://hk.apple.nextmedia.com/enews/realtime/20160102/54602364


【叱咤頒獎禮】真係咁激動…?吳業坤得獎爆喊 下體激凸

啱啱吳業坤喺《2015年度叱咤樂壇流行榜頒獎典禮》,攞咗叱咤樂壇生力軍金獎,喺台上佢都係有喊,眼鏡都當然都有起霧啦,不過除咗起霧之外,仲有就係下體激凸,坤哥果然畀到驚喜大家,唔知下次港台頒獎禮,坤哥又會畀到咩驚喜大家呢?


http://hk.apple.nextmedia.com/enews/realtime/20160101/54601100



由於激凸,吳業坤再次成為全城熱話。


佢嘅解釋都好妙,話係父母遺傳嘅優點,仲話因為怕凍,所以着咗條厚底褲。哈哈!


不過小編想highlight嘅亮點,今次喺坤坤嘅大髀度,佢竟然可以用兩隻髀晾起兩部錄緊音嘅電話,仲要雙手揸實一堆咪,真係好有Joe Junior嘅影子,又多個可愛之處lu。不過小編想highlight嘅亮點,今次喺坤坤嘅大髀度,佢竟然可以用兩隻髀晾起兩部錄緊音嘅電話,仲要雙手揸實一堆咪,真係好有Joe Junior嘅影子,又多個可愛之處lu。


連激凸都可以坦然面對,吳業坤係叻豬嘅。連激凸都可以坦然面對,吳業坤係叻豬嘅。


呢個係呆,唔講,仲以為佢畀人罰抄。呢個係呆,唔講,仲以為佢畀人罰抄。

激凸成焦點!吳業坤賴怕凍:條底褲厚啫

【on.cc東網專訊】 歌手吳業坤以爆冷姿態在叱咤頒奬禮勇奪三個大奬,接受訪問時,坤坤表示見到司儀森美好安心,但在台上講感言時都忍唔住喊,他指因為從小已經有睇叱咤,更加冇諗過自己可以企上呢個舞台,所以份外感動,亦回想起呢幾年所經歷過嘅嘢。

「別再咁留意我條褲」

他表示奪得生力軍金奬已經超出預期,並謂想不到在場的朋友及網友這麼支持他的音樂:「唔係攞完奬就算,我真係想繼續留喺樂壇唱歌畀大家聽,大家畀到咁多信心我,我就應該畀更多作品大家,希望大家唔好再咁留意我條褲啦。」

問到他上台爆喊時所講的話,他說:「完咗比賽嘅時候,見到林欣彤、許廷鏗開始有歌,諗住排隊有我啦,但係排吓排吓就到今年,諗番起覺得自己等到機會,但又會驚啲人唔肯聽我唱歌。」他又笑言將貓紙袋足一日,但仍然有好多說話未曾講。

激凸=父母遺傳嘅優點

提到坤坤條褲太緊而激凸,他笑言:「可能直條啦,真係好激咩?呢啲都係爸爸媽媽畀我嘅一啲優點嚟嘅,講緊着衫好睇呀!條底褲厚啫,怕凍呀。」談到台下有歌手陪喊,坤坤就謂很想知道有邊幾個。當記者話佢知林欣彤、鄭欣宜、薛凱琪等都有喊時,他表示好感動,又話自己下午三點到場時,已經不禁流下男兒淚。

未儲到首期

問到可會覺得吐氣揚眉,他表示好似舒咗一口氣,因為係自己堅持咗5年嘅一樣嘢:「但係在座有好多歌手比我更加努力,我一定唔會驕傲,我可以保持番我一直做緊嘅嘢,希望有多啲機會做騷唱歌畀大家聽。(會加價?)依樣嘢要視乎公司喇,不過自己就冇乜所謂。(好快唔使住公屋?)要呀,個樓市都未暢旺,都未係適合時候買樓,或者儲到首期。今年有好多唔同方面嘅報道,都希望留意番我音樂上面嘅報道。(好多網絡紅人幫你拉票,歸功於佢哋?)覺得佢哋都幫到好多手,好surprise,呢一刻都好享受個奬。」

問到緋聞女友龔嘉欣可有傳訊息給他,他指之後拍劇會見到對方:「可能到時佢先恭喜我。(請佢食飯慶祝?)要請好多人食飯,總之今年要用好多錢還飯債。」

人肉mic stand

吳業坤受訪時,仲化身「Joe Junior」,由於記者需要用電話錄音,吳業坤竟施展人肉mic stand絕技,除咗手上面拎住一堆咪外,大髀上面都「晾」住咗兩部電話,大髀中間仲夾住咗個獎,真係能人所不能!


http://hk.on.cc/hk/bkn/cnt/enter ... 0102_00862_001.html
返回列表