免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

10分鐘晨操最佳性愛方程式

http://the-sun.on.cc/cnt/adult/20111207/00511_001.html

無論男人定女人都想喺性愛中獲得最大滿足,所以有不少性學專家,經常提出不同的前奏方式、助性玩意,甚至集中針對女性G點等等。不過近日俄羅斯《論據與事實》周報刊文,就集合咗各國性學家經過研究得出嘅結論,搵出一條「最佳性愛方程式」,原來簡單到不得了,係人都可以做得到。

呢條方程式有三個重點,就係喺最佳時段做愛,盡情高呼低吟,再把握最理想嘅「運動」時間,就組成咗呢條性愛方程式。啲專家講到咁掂,有興趣嘅不妨聽朝就試試!

最佳時段:6am-8am

按中國人嘅傳統觀念,日出而作,日入而息,夜晚先至係做愛好時段,再加上漆黑嘅環境,會令性愛氣氛變得更好。但呢條方程式話畀我哋聽,原來性愛最理想嘅時段係一日之晨,剛剛起床嘅時候。對於一般嘅上班族嚟講,即係早上6點至8點。

事關清晨醒來,唔止男人嘅細佬會企直,原來女性體內嘅激素濃度亦係最高峰嘅時候,於此時做愛,可以為女性帶來最大嘅愉悅。其次,性愛係令人振奮同埋整理情緒嘅最佳手段,因為性愛過程中,大腦會分泌一啲化學物質,如同天然嘅抗抑鬱藥,能保證雙方之後一整天都輕鬆、愉快。

最佳表現:盡情叫床

美國曾經有一家州立法院對一名年輕女子進行罰款,理由係佢喺性愛時高聲叫嚷,對鄰居造成滋擾。不過根據呢條方程式,就算畀人罰款,都一定要盡情大嗌。因為瑞典科學家經過多年研究發現,有發出呻吟嘅性愛,質量比「默默無聲」嘅性愛高出一倍以上,所以愈叫得大聲就愈能夠獲得高質量性愛,就算畀人告上法庭都要照叫!

方程式更指出,性愛時情不自禁咁呻吟出聲,遠比任何視覺形象,更能激發兩性間嘅衝動,所以千祈唔好睇小叫床嘅威力呀!

最佳時間:10分鐘

大部分男人都話自己金槍不倒,又話做足半粒鐘都唔使抖,以為愈長時間就愈威,女人就會愈開心。但方程式再次指出,「馬拉松式性愛」絕對不值得羨慕。

根據美國賓夕凡尼亞州州立大學嘅心理學家指出,超長時間嘅性愛完全冇益,只能滿足一小部分男人嘅虛榮滿足感。美國性學家一致認為,最理想嘅性愛持續時間係10分鐘左右。

根據美國性學中心研究指出,2分鐘太短,難以滿足雙方,而3至7分鐘嘅性愛尚可接受,10分鐘就係最理想狀態;如果超過13分鐘已經算太長。呢度講嘅係真正埋牙肉搏嘅時間,任何前戲及後戲均不計算在內。
返回列表