免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

糾正觀念 獲得高質量性愛歡娛 重拾性福

http://the-sun.on.cc/cnt/adult/20111221/00511_001.html

性生活係人類天生最原始嘅本能,不過有好多人因為文化背景及環境影響,導致有眾多不同嘅性觀念產生,當中有啲係好正面嘅,但亦都有啲係十分錯誤嘅觀念,搞到原本應該係輕鬆愉快嘅性生活,變成有心理負擔,甚至引起性愛不和諧。

以下係一個美國性愛網站向1,000名會員進行嘅調查,發現原來外表性開放嘅美國人,內心仍然存在唔少性愛謬誤。呢啲錯誤觀念,往往影響佢哋嘅性生活,結果引起唔少性問題。所以無論男女,都應該開始正確認識性愛,咁先可以獲得高質量嘅性愛歡娛,重拾性福。

錯誤一:背負道德枷鎖

調查當中有60%嘅男女,仍然好擔心自己被認為係放蕩。傳統道德強調應該端莊,間接令性愛過程中背負心理壓力,甚至壓抑自己嘅性興奮表現。其實,正確表達自己嘅性歡娛,係一件好正常嘅行為,更有助於提高性愛嘅質素。

錯誤二:100%高潮

有40%嘅男女認為每次性愛都應該有高潮,所以令好多男女都將追求高潮當成性愛嘅唯一目標。事實上,單純通過刺激而達到高潮係比較困難,所以大部分男女都唔可能喺每次性愛中獲得性高潮。

錯誤三:寶劍愈長愈好

呢個謬誤真係放喺任何國籍嘅男人身上都可以成立,調查中,有90%嘅男人認為陰莖愈長愈好。而佢哋更同時認為陰莖唔夠長,會導致性生活不和諧。其實呢個謬誤真係好根深柢固,主要原因係男人太唔了解伴侶,因為伴侶嘅敏感區域位於最外圍嘅1/3地方,而陰莖勃起時只需要達到8厘米以上,就足以令伴侶得到歡娛。

錯誤四:追求持久度

好多男人都追求「性愛馬拉松」,因為佢哋認為性交時間愈長愈好。其實性愛嘅快感同時間長短並唔係成正比嘅!美國大學有研究顯示,伴侶需要嘅完美性愛時間係8至13分鐘,如果性交持續時間太長,反而會引起伴侶不適,真係適得其反。

錯誤五:技巧勝過一切

調查發現有70%嘅男人,好鍾意向四仔男優偷師,希望用性技巧征服伴侶。更有好多男人認為,只要床技出色,伴侶就會對佢死心塌地,貼貼服服。但實際上,伴侶更在意性愛過程中是否被尊重和寵愛,反而將對性技巧嘅要求放在次要。
返回列表