免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

被性騷! 攞下體出來玩 「裸跑」關楚耀「眼都凸」


Kelvin笑言愛上了裸跑,打算回家試下裸睡。(陳奕熙攝)


Kelvin今次為咗拍劇獻出第一次裸跑。(陳奕熙攝)







關楚耀「裸跑」憶小學被性騷擾:居然喺校巴攞出嚟……

關楚耀(Kelvin)同胡諾言(胡仔)最近拍攝TVB劇《特技人》,特技就暫時未見到,但今日探班Kelvin居然「裸跑」示眾。Kelvin笑言今次是自己的第一次,拍之前都有點擔心:「打開劇本就係話裸,我都有問導演點拍,佢就話點都會加條肉色底褲,但都會尷尬㗎嘛,頭先到現場,睇到知感覺喇,導演話嚟,我都自己除衫除褲,除晒之後冇晒負擔好似輕鬆晒。」Kelvin笑言自今日之後好似有點愛上了裸跑的感覺:「今晚返去就試下裸睡。」

見兩人身穿校服,胡仔自言覺得有種青蔥歲月的感覺,整個造型連個髮型都諗過度過:「讀書時真係劉德華嘅髮型嚟,但我嗰陣係薯餅嚟,帶住副眼鏡怕怕羞羞咁,成日畀人鬧,畀人蝦。」

Kelvin都爭住自認薯仔,讀男校的他更自爆試過畀人「性騷擾」!他解釋說:「試過搭校巴畀人性騷擾,唔係搞我,係隔離嗰個搭搭下校巴突然攞(下體)出嚟玩喎,真係㗎,唔係講笑,我好記得㗎,嗰時小四,剛開始對依啲嘢有興趣嘅年紀。」現在說起來好似講緊笑話咁,但見Kelvin講到眼都凸埋,就知個時幾驚嚇。

而校男女校出身的胡仔就話當其時學校好嚴,雖然《特技人》中有橋段講Kelvin畀咸碟胡仔睇,但現實生活沒可能會發生:「其實係唔夠膽嘅,但青春期時對依樣嘢好奇係實有㗎,你話有冇睇過,冇都呃你啦,都係一個階段,最緊要唔好諗歪。」
撰文:        陳奕熙


https://www.hk01.com/娛樂/1071 ... 喺校巴攞出嚟-
關楚耀「裸跑」大叫好爽

【明報專訊】關楚耀拍TVB新劇《特技人》,昨日他跟胡諾言拍攝一場學生戲,他們以學生哥打扮,關楚耀要除衫只穿著短褲扮裸跑。

關楚耀穿著肉色短褲與白襪仔半裸上陣曬肌肉,拿着道歉的紙板遮掩重要部位,他玩得好投入,不覺尷尬。

問關楚耀拍裸跑戲前可有做準備工夫?他稱沒有特別打底,只是穿著了短褲,埋位前做了一陣運動谷肌肉,但導演吩咐不需要谷腹肌,因為他是學生身分。

首次「裸跑」他大叫好爽,原來裸跑可以釋放壓力。關楚耀爆胡諾言日內也要拍一場裸跑戲,今次輪到胡仔激嬲他,要裸跑賠罪。
採訪﹕梁迺楠


https://news.mingpao.com/pns/dai ... 00016/1500919364301

關楚耀話原來裸跑可以釋放一啲壓力。


掂晒啦!


關楚耀仲嗌好爽添!


關楚耀先拍。


豁出去!

關楚耀裸跑減壓爽到爆 胡諾言都會試

藝人關楚耀及胡諾言(胡仔)到鑽石山,拍攝無綫新劇《特技人》,關楚耀以蝦肉色短褲上陣,拍攝裸跑戲,鏡頭前,關楚耀表現活躍,鏡頭後,他大叫:「爽呀!原來裸跑真係可以釋放一啲壓力,尋晚都有諗過呢場戲究竟要點拍,不過嚟到現場感覺好爽,胡仔過幾日都會試吓,反正佢跑開步,話時話佢可以考慮代表香港出賽裸跑,選手號碼係169!(你打咗幾多層底?)冇喎,就咁着條蝦肉色褲咋喎,埋位前有喺架車嗰度做咗陣運動谷肌,導演話唔使太多,因為演學生係唔使有咁勁嘅腹肌。」

關楚耀又自爆讀書時期作反往事,他說:「我點解裸跑,係因為劇情講我累到胡仔記大過,所以要向佢道歉。我讀書時試過同同學帶成人書返去分享,點知真係累咗個同學被罰,咁我梗係要賠罪,於是送多本畀佢!」

胡仔則說:「我係跑開步,但唔係裸跑喎,不過我過幾日都要拍裸跑,到時係講我哋大個咗,輪到我激嬲佢,要向佢道歉。(劇集出街會同仔女一齊睇裸跑?)其實劇情係講友誼,正面嘅、正能量,都冇問題!而且啲小朋友都識得分析,所以睇嘅時候,我會同佢哋講解。」


http://hk.on.cc/hk/bkn/cnt/enter ... 0724_00862_001.html
返回列表