免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

Kristal Tin - 最親



與鮑起靜《最親》拍MV 田蕊妮:喊咗好多次

「視后」田蕊妮(阿田)拍攝送給亡母的新歌《最親》MV,更碌人情卡請「影后」鮑起靜飾演其媽媽,MV中尾段時,阿田挨在鮑起靜的膊頭享受母女溫馨一刻時,鮑起靜面露不捨之情跟阿田說:「女呀!我已經準備好啦。」阿田表情瞬間由喜變悲,眼紅紅地望住鮑起靜說:「但我仲未準備好喎。」原來此對白非虛構,阿田受訪時表示:「其實呢段說話,係媽媽喺醫院病重時,佢同我講過嘅。」大派洋葱。問到拍攝此鏡頭時可有爆喊?她謂:「都拍咗八次,但唔係因為情緒問題,而係因為燈光、角度要重拍,不過我拍MV時,諗起媽媽,都喊咗好多次。」

談及阿田的患癌母親去世二年多,問可已放下媽媽?她堅決說:「我唔會放低佢㗎,因為媽咪永遠同我一齊,我有佢嘅基因,今次拍番呢段同媽咪嘅對話,係想分享畀大家知,唔好嫌媽媽好長氣、好煩,喺媽媽眼中,個女無論幾多歲,永遠都係細路女,要珍惜同至親一齊嘅時間。」

阿田說和鮑起靜曾在亞視合作多年,但她從未有機會做鮑起靜的「囡囡」,故今次拍MV就膽粗粗親自邀請,她說:「打電話畀鮑姐時佢唔係香港,但好多謝佢一口答應,即時同我度期,請鮑姐唔可以用錢衡量,所以我親手揀咗條披肩送畀佢。」問和鮑起靜可有難忘的點滴?阿田最記得初入亞視做演員時,鮑起靜指她個樣「出事」:「當時佢同我講:『阿女呀!拍電視要入屋,所以啲妝清清哋最靚』,嗰個年代好興濱崎步嘛,所以我學佢成日化得誇,大大Pat眼影,諗番都好嘔,聽完鮑姐咁講,我二十幾年嚟,拍劇時都只化淡妝,除非劇情需要化艷妝。」


https://hk.on.cc/hk/bkn/cnt/ente ... 0502_00862_001.html

阿田新歌曲《最親》的MV找來了鮑起靜(鮑姐)演出,感到十分榮幸。(田蕊妮ig圖片)

Kristal 《最親》獻給所有母親 坦言媽媽離世令她急速成長

田蕊妮(阿田)到電台宣傳她的最新歌曲《最親》,歌曲講述和媽媽的關係,而阿田這首歌曲也是想送給已去世的媽媽:「其實我覺得我好幸運係我媽媽離開我之前有個機會去了解我媽媽同明白我媽媽,因為我媽媽病個段時間直至佢離世,我媽媽係令我急速成長。細個時候遇到好多事第一時間都叫媽咪,開心唔開心都同佢傾,直到慢慢大個會推開阿媽,會同佢有隔膜,直到媽媽年紀開始大,佢有病嘅時間,我真係有機會坐低同佢好詳盡好深入去溝通,有機會去拖住佢去攬住佢,去單獨相處,呢段時間好幸運終於明白同了解我媽媽。」

阿田除了宣傳新歌之外,更舉辦了一個「抱抱會」與粉絲抱抱,不過要這個參加「抱抱會」要分享一次和媽媽難忘的吃飯經歷,阿田亦藉此次訪問的機會分享和媽媽難忘的吃飯經歷:「我好記得,因為我媽媽後尾有段時間成日嚟我屋企瞓,個段時間我哋都成日煮飯,有一次我燉咗瘦肉湯,個時候每一餐飯都好難忘。」

提到近日她老公杜文澤與程美段的事件,阿田表示不多評論,不過直言很欣賞老公在網上直播道歉:「佢要處理呢件事都處理咗,要處理都處理好,我表示支持同欣賞,不過其他就唔評論咁多。」

撰文:賴家杰


https://www.hk01.com/%E5%8D%B3%E ... F%E6%88%90%E9%95%B7

▲ 41歲田蕊妮擁完美健康身段。


▲ 阿田最愛杜汶澤炮製的燒雞牛油果沙律。(取自田蕊妮IG)

Kristal 由長贅肉至擁23吋纖腰 41歲靠3個秘訣練出無敵馬甲線【內附塑身方法】

田蕊妮今年踏入41歲,不過外型保養得宜,而阿田近年愛上運動,積極塑身下練成健美身段,田蕊妮在社交平台經常大方分享健身成果,阿田擁接近無敵的23吋黃鋒腰,加上完美的馬甲線,令不少40+女生大表艷羨不已,究竟阿田的完美身段如何練成呢?

田蕊妮今年初為新碟《Saturnian》封面,以全裸上陣拍攝,健康而性感的照片甫面世,即令各界讚歎不已。

41歲的田蕊妮,近年愛上運動,身型保持甚fit,阿田就曾接受TOPick訪問,分享塑身心得。

阿田曾表示,早幾年曾因疏於keep fit,腰圍高峰時接近30吋,手臂和小腹都有贅肉,故常以衣服配搭來掩飾。後來阿田下定決心減肥,並由丈夫杜汶澤親自監督,同時參考了阿澤的減肥餐單,日子有功下,終成功減至23吋纖腰,無論在台慶或頒獎典禮,都能自信穿上高貴晚裝。

高蛋白質餐單

阿田曾在IG大方公開其減肥餐單,而她的晚餐主要由老公杜汶澤設計,而餐單傾向低脂、高纖、高蛋白質的減肥晚餐,秘技在以平日主要以吃雞胸作主餐,雞胸白烚之外也會用烤,搭配不同蔬菜例如西蘭花、菜心、紅菜頭等,因可增加口感亦有營養,阿田形容老公是「小杜大廚」,曾分享她她最常吃的是阿澤親自設計的燒雞牛油果腰果沙津,既飽肚又不會肥!

阿田在拍攝CD封面前,再次採用這餐單,一個月主要以雞胸為主,配上蛋白及菜,無鹽無油,以高蛋白質低脂為主。

自製乳酪

近年阿田愛上飲乳酪,而杜汶澤亦常會為她自製乳酪,因坊間的乳酪含糖量偏高,因此阿澤會傾向自製乳酪,以控製糖的份量,甚至早餐也會親自泡製。據知近年的希臘乳酪(Greek yogurt)及希臘式乳酪(Greek style)便是含糖量偏低。100克乳酪含糖份低過5克、脂肪少於3克,才是真正低糖及低脂之選。

運動

田蕊妮曾接受TOPick訪問,透露近年最常跟杜汶澤做運動,最常會相約一起行山,阿田稱:「我們多行屋企附近的大埔郊野公園,如梧桐寨,有時間就會行,行山是很好的帶氧運動,呼吸好清新的空氣,又望到靚景,令人心曠神怡。」

阿田更稱像上了做運動的癮:「如因工作而好多日冇做運動,就會覺得人很累、筋好緊,周身唔聚財,會即刻換件衫走出屋外跑半個鐘出身汗,連朋友都話我變態,收工後都要做運動,我反而覺得唔跑步人更累。」

行山之外,阿田亦喜歡跑步、健身、跳舞,相當勤力,難怪她亦自稱「一分耕耘一分收獲」!

撰文 : TOPick柴犬出動


https://topick.hket.com/article/ ... 9%E6%B3%95%E3%80%91
本帖最後由 funfun 於 2019-6-30 01:16 編輯

本帖隱藏的內容需要回復才可以瀏覽
本帖隱藏的內容需要回復才可以瀏覽
返回列表