免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

八達通大話王 去金入恒隆

http://hk.apple.nextmedia.com/te ... &av_id=15969141


陳碧華(右一)拍住陳南祿(左二)等高層風騷剪綵。

八達通大話王 去金入恒隆

前年講大話令八達通聲譽受損嘅前行政總裁陳碧華,冇做 TVB之後,原來舊年 12月已經靜雞雞過檔恒隆地產( 101),負責睇集團命脈嘅收租業務。華華前日睇碧海藍天吉之島開張剪綵張相先知咋,職位係恒隆地產有限公司董事,傍住董事總經理菲臘陳南祿。

話晒都係恒隆命脈,點解陳小姐加盟一張簡單嘅新聞稿都冇?華華梗係打去問啦,恒隆公關大員叫華華唔好諗太多,冇公佈只因陳小姐唔入董事會喎!

往績累事冇得入 board

但華華聽到另一個版本係,以陳小姐睇晒成個租務業務,咁緊要嘅職位傳統上一定入 board,但因為公司有人對佢嘅「往績」有微言,所以冇得升呢。聽聞佢第時仲會管埋賣樓,到時會唔會又粒聲唔出就升佢呢?

大家可能會問乜佢唔係叫陳碧鏵咩?實情係改咗名,個鏵字冇咗金字邊。堪輿學家李丞責話,傳統根據八字定每人五行屬乜欠乜,姓名學係其中嘅補救方法,「陳小姐改名前總筆劃屬木,改名後屬土,而碧屬土,華屬木,有利佢從事地產行業,有機會大展拳腳。」蘇民峰都話以筆劃計前後兩者都是吉數,以五行計算,對夏天出生嘅人較有利。
返回列表