來佬菠菜餃、珍珠雞和來佬粉果,各$26-$28
陽光焗豬扒飯,用泰國靚米加美國豬扒配牛骨汁焗成的豬扒飯,最後加上太陽蛋。$88
來佬梳乎厘,蛋白、砂糖、牛油和吉士打起,是超傳統製作,$88
威靈頓 66牛扒,改用美國安格斯牛柳,入面釀鵝肝醬和丹麥火腿包酥皮焗,配香蒜汁最惹味,$198
地下直排餐椅和吊燈,配上黑白地磚和木牆身,酷!
鮮黃黑格仔牆,傳統又搶眼。
高級冰室化身雜扒升呢變牛柳
若冰室是平民化的飯堂,來佬餐館必定是高級冰室的化身。餐廳的宗旨就是要讓香港人感受到昔日情懷。地下一層一排座椅加上吊燈,配上黑白格地磚和黃黑格仔牆紙,超搶眼。一樓二樓的設計相若,木牆身、木窗簾配皮製卡位,物料簡約,令餐廳懷舊中又見高貴。至於食物,全由總廚 Jimmy監察,對他而言,去冰室是家常便飯。「以前的冰室好 casual,低下階級的人講快夾正,食物好簡單。我最記得豬扒飯、西多和忌廉湯。較高級如太平館,真係要儲幾個月錢先可以去一次,來佬就是要成為冰室中的高級版。」
目標確定,菜單也走較高質路線。例如以前的雜扒變成了以前高級餐廳才有的威靈頓牛柳,還加入龍華最出名的石岐乳鴿、太平館出名的巨型梳乎里。還有自家製的來佬汁、進階版的焗豬扒飯和腐乳砂糖多士等。而且還在早餐或消夜時段設有點心,讓食客在繁忙時間內,也有閒情嘆一盅兩件。
來佬餐館( 3125 3000)
中環威靈頓街 66號 |