免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

相應適合4體位 提升性愛持久力 伴侶爽爆

http://the-sun.on.cc/cnt/adult/20120317/00511_001.html

度過先做 雄風升呢

愛,人人都話識做,點做至叫好?似乎冇標準,有高潮咪得囉!之不過歐美性學家向來鍾意研究性愛,近期就爆咗個伴侶攻受性愛提升方法,透過伴侶交歡姿勢、及男士個人生理特徵,包括體力、陰莖尺寸、靈活性及高度等,歸納出相應適合嘅體位,只要跟住做,就可以令伴侶爽爆,兼夾提升你嘅性愛持久力!

中國人講到提升性能力,只識得透過食療以形補形,補腎補腰就話壯陽,有幾堅?結果通常得啖笑!反而西人就學術得多。早前兩性網站ivillage就發表咗一篇報告,以「Sex Positions」為題,大談性愛體位對伴侶嘅重要性。

四項因素 決定姿勢

作者認為地球上超過百分之九十嘅人,於進行性行為時,來來去去都係嗰兩、三招,或按個人喜好選擇,冇諗過可因應自己身體上嘅優點同缺點而作出調節。報告認為,男人應先以體力(Energy Level)決定性愛姿勢,然後按陰莖尺寸(Penis Size)、動作靈活性(Flexibility)同埋高度(Height)分級實踐。每個組別都有指定4招體位,即是話如果你身形比較矮及肥胖,靈活度不高,便應從陰莖尺寸嚟選擇體位。

由於篇幅有限,今日就講吓男人最關心嘅尺寸因素,只要跟住練習,雄風升呢應該指日可待!不過大家記住凡事量力而為,以下體位雖然係專家根據陰莖尺寸而選擇,但若然你實行時發覺有難度就唔好勉強,整傷就無謂啦!


Exceptionally Large 超巨大型

體位:The Slide Position(滑動式)

How To Do It:攻方跪地,背部保持挺直,面向受方,受方雙腳分開放於攻方肩膊上。

報告指出假如男方屬於「怪獸級」尺寸,呢種招式可以穿透受方嘅A Spot,同時可刺激埋G Spot,要幾爽有幾爽。而且因為男方難於發力嘅關係,會令敏感度降低,通常會先令受方得到高潮,之後再換位都未遲!


Pretty Big 比一般大

體位:Reverse Cowgirl Position (背向女牛仔)

How To Do It:男方平躺,伸直雙腳,受方背向男方騎乘。

呢個姿勢嘅過癮之處在於受方可控制節奏,而報告就認為冇得面對面反而更有神秘感,由於尺寸夠,受方嘅充實感會非常強烈,假如男方用埋手指刺激受方後門及下體,好容易就可以令受方出現高潮;另一方面,背向騎乘亦係訓練同步高潮嘅最佳體位!


Average Size 普通尺寸

體位:Doggy Style Position (跪立後進)

How To Do It:男方半跪於受方身後,受方雙腿分開,臀部朝天。

推車應該冇男人未試過,除咗知佢夠爽夠深入,原來對平均「晒士」嘅男性係最有利。報告表示受方面對呢個推車姿勢係最「脆弱」嘅,只要男性可掌握好快慢有序嘅節奏感,再配合撞擊力,就好易令佢爽到癲。


Small Size 細碼型

體位:The Hook Position(傳教士式)

How To Do It:傳統攻上受下進入式體位

雖然呢個係正常位,但當中有好多變化你要知。報告話細碼型點搞都唔會有大改善,惟有喺正常位下功夫,所以開始時切忌貪快一下到底,應由淺入深直到對方分泌充足後,先至提起女方雙腿到你膊頭,咁會令到對方下體收縮,增加快感。接住開始重力攻擊,務求令對方盡快抵達高潮,當受方呻吟不斷時,而你又自我感覺良好,未有發射衝動,可嘗試張開受方雙腿,捉實小腿位置快速進攻,程度深淺冇所謂,藉此訓練耐力。
返回列表