泰家廚房
「曼谷有好多地道嘢食,唔多報道,唔商業化,仲保留原汁原味……」黑實的符哥,心口掛着一個佛像,他是導遊卻沒有導遊咁多口水。「Khrua是廚房,Nai是家裏,這間餐廳改名改得很直接,希望做到客人家裏的廚房。」老闆原本賣燕窩,後來老闆過身,老闆娘撐大局,她見自己有田同魚塘,就做埋飲食業,食材新鮮,但餐廳得十多張枱,擺明唔要做大生意!Khrua Nai Baan裝修如舊式的茶樓,亦沒有嘩一聲的菜式,但很有住家風味。「一般泰國人食嘢好簡單,辣為主,少少餸就可撈埋成碟飯。我哋華僑挑剔啲囉,新鮮嘅魚點會燒同炸,梗係清蒸啦!」符哥笑着說。