免費論壇 繁體 | 簡體
Sclub交友聊天~加入聊天室當版主
分享
Board logo

標題: 每周高潮多延年益壽 [打印本頁]

作者: 嘉拿勲    時間: 2011-11-25 18:18     標題: 每周高潮多延年益壽

http://the-sun.on.cc/cnt/adult/20111125/00511_001.html

英國最近一項抽樣性健康研究顯示,在這3,000人中發現每周有2次性高潮嘅人,死亡機率比起每月有少於1次高潮嘅人,足足低50%。即是話高潮愈多嘅人就愈長壽,莫怪乎中國民間一向有採陽補陰嘅說法,原來性愛真係可以補身,仲可以促進生殖器官、生理同埋心理嘅健康,想唔長壽都唔得啦!

性生活係人類最原始嘅享受,與生俱來嘅本能,但性高潮同性生活卻不可相提並論,因為有性生活唔代表一定有性高潮,就算男性嘅終極一發,可以帶畀佢哋高潮感覺,但卻唔係每一次都咁令人回味。女人就更加唔使講,隨時有機會喺整個性愛過程中,都無法得到高潮,所以其實男女都應該認識一下高潮嘅好處,從而想辦法提高自己嘅性生活質素。

抗衰老防病痛

香港人生活壓力大,對性嘅慾望變得愈來愈低,一個星期做到一次愛,都叫做好叻。來自不同國家嘅性學專家組織發表文章指出,健康嘅性生活,同埋完美嘅高潮能夠令人體免疫球蛋白數量提高30%,不但可以防止衰老,更可以增強人體嘅抵抗力,減低患病機會。

呢個好處一定要知,原來唔使花咁多錢買護膚品做Facial保養個樣,只需要有個床上好對手,帶你上多幾次高潮,都一樣有回春效果。

常用促進健康

性器官跟身體其他器官一樣,如果缺乏規律性嘅使用,就會逐漸退化。英國藥物研究中心專家約翰指出,性愛對人體最直接嘅好處,就係促進男女生殖系統嘅健康。

有統計顯示,有規律嘅性愛會促進睾丸激素分泌,維持前列腺健康,同時令男性嘅性慾保持喺健康水平上。而女性嘅生殖器官喺享受性高潮嘅同時,會大量分泌愛液,可有助平衡酸鹼度,增強陰道對感染性疾病嘅抵抗力。

改善血液循環

性愛專家史密夫博士表示,性愛可以保持人體心腦血管嘅健康,而在高潮過程中,人嘅心跳速率同血壓都會大大提高,全身血液循環加快,呼吸變深,血液含氧量增加。呢啲帶有大量氧氣嘅新鮮血液,循環全身細胞、器官同組織,人體就好似畀新鮮空氣過濾咗一樣,絕對有助防止人體心血管衰老同埋活化腦部細胞。所以話高潮多啲,人都隨時會聰明啲!

純天然止痛藥

專家認為,喺性激素作用下,人體對痛苦嘅感覺會變得遲鈍。性愛就好似一劑強而有力嘅天然止痛藥,對於消除關節炎同頭痛等症狀尤其明顯。有英國藥物研究中心專家進行過一項研究顯示,女人喺性高潮期間,子宮不斷收縮放鬆,對子宮係一種好好嘅鍛煉,能達到緩解經期疼痛嘅作用。而男人嘅終極一發,更加可以令佢哋忘卻不少煩憂,紓緩身體嘅痛症同埋心理壓力。




歡迎光臨 Ando Cafe (http://andocafe.joinbbs.net/) Powered by Discuz! 7.0.0