免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖
【亞洲先生】冠軍鍾昊捐獎金 頒獎程序錯晒

《ATV 2013亞洲先生競選》啱啱經過一大輪比拼,終於選出咗冠亞季軍出嚟,季軍係嚟自菲律賓嘅15號狄凱亞,佢得獎嘅時候有少少驚訝,顯得有少少驚青;而亞軍就係嚟自馬來西亞嘅14號余健深,宣佈佢得獎嘅時候好淡定,唔見有特別開心,但就露出佢嘅招牌笑容。

冠軍就由嚟自廣州嘅4號鍾昊奪得,今晚佢得到咗一支權杖,支權杖由高空一對黑白護翼吊落嚟,鍾昊由護翼手上拎咗支權杖,但就冇戴上護翼。係咪覺得好怪?係囉,頒獎嘉賓呢?就連上屆亞洲先生冠軍都未見人,葉家寶同羅霖亦都未上台,支權杖就吊咗落嚟,搞到鍾昊要自己去拎,咁得意嘅?咁頒獎嘉賓仲上去做乜?

鍾昊仲話個人獎金有3萬,佢同其餘17位亞洲先生商量之後,決定將獎金捐畀菲律賓災區,作為一點心意。問佢覺得自己贏乜嘢?佢就話係贏喺評判同大家嘅支持,同埋個人親切加上親切笑容。至於佢自己最滿意係邊個環節?佢就話係泳裝,又表示個人整體形像都好好,仲好有信心可以代表香港發放正能量。


http://hk.apple.nextmedia.com/enews/realtime/20131115/51906378

一開波就頒獎啦!


現場有人舉牌支持菲律賓。


其實又唔係亞視捐...點解要上呢個台交接呢?


亞...洲...炫...帥...


4號鍾昊


嘉賓係咩人?


亞生


亞生


黑仔就唔係亞生....係電視先生...


呢part舞,超hea
【亞洲先生】冠亞季獎金6萬蚊
全數捐菲律賓災民


今晚《亞洲先生》喺亞視總台舉行總決賽,無錯,無聲無息,就已經到咗總決賽啦。

個節目一開波就係一班亞生好Hea咁跳返part舞,之後,就頒獎。無錯,係頒一個叫「亞洲炫帥大獎」,乜都未做已經攞獎啦,主持有解釋o架,原來係透過亞視網頁同微信投票喎,咁就由4號鍾昊奪得。

而亞生入面,有一個菲律賓參賽者15號狄凱亞,咁主持就叫咗亞視節目感動香港年度人物林東出嚟,原來佢就發起咗捐款捐俾菲律賓受風災影響嘅人,就由狄凱亞代表交接大支票,狄凱亞就話多謝香港人嘅支持啦。不過若果亞生入面冇菲律賓人,係咪就唔捐?而林東代表機構又唔關亞視事,喺咁嘅場合交收大支票都幾怪,究竟係抽水定點呢?

而現場介紹嘉賓時,都不外乎係過往亞生同亞姐之類,唔知係扮cool定點,一班舊亞生面對鏡頭都無表情,仲好似有少少黑黑哋面。

而今晚最終賽果係由15號狄凱亞奪得季軍,14號余健深亞軍,4號鍾昊成為冠軍,而18位亞生表示商量過,將冠亞季所得總共60,000港元獎金,都捐給菲律賓災民。


部份得獎名單:

亞洲型格大獎
4號鍾昊

亞洲魅力大獎
4號鍾昊

最佳情人大獎
13號楊志仁

亞洲猛男人大獎
7號王鍾

花漾美男大獎
16號劉健偉


http://hk.apple.nextmedia.com/enews/realtime/20131115/51906044
返回列表