免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

強勢猛男提升 性表現 虎虎生威

http://the-sun.on.cc/cnt/adult/20111031/00511_001.html

床上表現虎虎生威,係男人都想,不過城市人工作壓力大,想時刻保持威猛強勢都唔係咁易。美國有性學專家研究後發現,以下幾種強身健性小貼士,佢話男人無論幾忙都好,只要抽空做吓,就可以令自己時刻保持威猛,包保伴侶唔會有投訴。

以下呢啲小貼士除咗強身健性之外,對男人身心都好有益,加上毋須花太多時間,隨時隨地諗起就做,日子有功之下,性表現想唔好都幾難!

按摩陰囊

專家話用手直接輕力按摩陰囊,可以令睾丸嘅血液循環改善。每晚臨瞓前做一次,每次2至3分鐘,就可以不斷提供新鮮血液畀睾丸,有助增強睾丸功能,提高男性精力。所以按摩最好每日一次,日子有功之下,上到床自然鞭鞭有力。

閉目冥想

好多男人都覺得平時工作壓力大,令自己精神緊張,有時連性事都提唔起勁。呢個時候,可立即進行閉目冥想,幻想自己正和一個美女,或者自己朝思暮想嘅女人做愛,甚至可以深入思考細節,達到興奮效果。呢種白日夢雖然有自我陶醉成分,但原來可以令雄性激素分泌旺盛,細佬立即有敏感反應,對改善性趣十分有效。

助性金屬

男性精液中含有較高濃度嘅鋅,所以鋅係保證男人性功能嘅主要金屬,專家建議男人每天服用10微克鋅,就有助保持體魄強健,促進性功能。但鋅嘅攝取量絕不能超過15微克,因為過量服用就會影響人體內其他礦物質作用,而每天食用火雞肉、海產、大豆等食物,已經可以攝取足夠嘅鋅,絕對簡單又健康。

多食海藻

在古羅馬時期,有人發現海藻含磺量超過其他動植物,而磺缺乏或不足會導致流產、男性性功能衰退、性慾降低等。所以經常食用海藻類食物,例如海帶、紫菜、昆布等,可以延遲男性性功能衰退現象。

食用蜂蜜

蜂蜜不但營養豐富,仲含有生殖腺內分泌素,具有明顯嘅活躍性腺生物。所以每日食用適量蜂蜜,除咗可以改善體質之外,絕對可以提高性能力。特別係針對身體比較孱弱嘅男人,佢哋嘅性功能質素,會隨住身體狀況得到改善而有所轉變,真係食得多,孱仔都可以變金剛。

適量手淫

其實過度手淫先會對男人嘅性能力產生反效果,但適度手淫的話,卻可以令男人嘅性敏感度增加,利用唔同程度嘅快感,令細佬變得更加活躍同壯健。對於無固定伴侶嘅男人嚟講,適度嘅手淫,絕對係有益無害。
返回列表