【男女通吃】肌肌強壯「食家」魏焌皓
被爆口技了得 榕姨:佢仲賤過Edison(陳冠希)
黃榕日前出席活動時,自爆曾同圈內大隻仔拍拖,點知兩個月後就被飛,慘遭用完即棄兼受情傷嘅黃榕,當時喊晒口話:「過咗去嘅感情事唔想再提。」雖然榕姨當時冇講係邊個,但當佢聽到大台爆肌男魏焌皓呢三個字時就即刻話:「我唔想再提呢個人。」(新聞連結:黃榕激動「用完即棄」 ),而有雜誌搵咗魏焌皓,當事佢矢口否認同黃榕拍過拖,只係朋友關係,仲強調自己係單身。
今日有雜誌指呢位大台爆肌男藝人魏焌皓,外形雖然斯斯文文,但其實係一名「食家」,除咗眾所周知嘅黃榕之外,仲有「O靚妹」李綺雯、蔡思貝、朱晨麗、唐貝詩、趙哲妤等等,難怪黃榕忍唔住破口大罵:「佢仲賤過Edison(陳冠希)。」噢,陳冠希無啦啦又被拉落水。
另外,報道又話魏焌皓除咗媾女有一手外,佢原來對付男人都相當掂,名副其實男女通殺,報道話佢冧暈男公關綠魔Karl同鄭紹康,綠魔仲禁不住大讚魏焌皓「口技」了得,呢個「口技」真係若有所指喎,只係唔知佢講嘅嘢,邊句係真邊句係假。
對於報道講到自己「男女通殺,魏焌皓當然例牌否認啦﹗至於榕姨今日凌晨兩點幾,就喺微博留言,似有弦外之音咁話:「我會不會知道得特別多?拜託,能不能不要這樣嘔心呀你-我都快要吐 」講緊邊個呢?
另外,榕姨於傍晚時份再貼相,今次係兩張性感拋胸照:「感恩節快樂-每天懷着感恩的心」
http://hk.apple.nextmedia.com/enews/realtime/20141127/53171563 |