免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

床笫之歡 燃性慾火 保持性規律 提防退化 房事不能Skip

http://the-sun.on.cc/cnt/adult/20120105/00511_001.html

提防退化 房事不能Skip

根據美國成人網站調查發現,喺眾多美國城市當中,紐約市民嘅平均做愛率係最低嘅!每月性生活唔到3次嘅人數超過1/4。冇時間、冇興趣同埋冇體力,都係大部分人嘅藉口。但美國性學家認為房事不能一拖再拖,因為性事做得愈少,不但性功能會提早衰退,連心情都會變得愈來愈差。

性生活係人類生活中不可缺少嘅環節,就等於呼吸、食飯、娛樂一樣係生理需要,尤其是伴侶之間嘅性生活,更能穩固兩人嘅感情同情緒,減少爭吵之餘亦可以令身心更加健康。

保持性規律

根據專家分析,性功能雖然係天生嘅,但亦存在不進則退嘅理論,如果長期唔使用的話,就會退化!所以無論伴侶雙方幾忙都好,出差頻率再高亦好,都要保持有規律、適度嘅性生活。

因為男人「那話兒」長時間不用,性能力會下降。專家更指出性生活唔規律嘅男人,比有規律嘅男人更容易出現性功能障礙。最佳例子就係久別重逢嘅情侶,男方好容易出現早洩情況,就係因為之前用得太少,結果一用就出事。

重燃性慾火

有部分男人發現,生孩子後嘅太太,突然對房事變得興趣缺缺,女人更會將大部分時間投放於照顧孩子之上,令丈夫感到被冷落!有啲夫妻更會因為想貼身湊BB而分房瞓,開展無「性」生活;更有啲中年夫妻索性分床而睡,結果呢種疏離導致性生活愈來愈少,最終發展出有名無實嘅夫妻關係。

其實生育後初期嘅女人,體內嘅賀爾蒙會有所改變,再加上照顧BB好辛苦,性趣自然降低。呢個時候,男人應該學習主動同伴侶交流、溝通,分擔重任之後,便能有效重燃女人嘅慾火。

長者都要性

現代人嘅營養比古代人豐富得多,身體狀況自然更好,壽命也愈來愈長,所以65歲以上嘅長者,都有能力、亦有權利繼續享受「性生活」。有適當性生活嘅長者,往往較其他人能保持大腦年輕。當然,太強烈而持續嘅性生活,長者身體自然會吃不消,但適當而圓滿嘅床笫之歡,卻係健康同長壽嘅良藥,嗰啲乜乜富豪、物物闊太唔係有辦你睇咩?
返回列表