免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

燃起慾火 令伴侶由怕醜變淫蕩 愛得投入 更衝動

招招攻心計 伴侶好易制

http://the-sun.on.cc/cnt/adult/20120118/00511_001.html

男人對於性愛的反應,來得更快更衝動,甚至可瞬間爆發,但伴侶卻需要時間熱身,所以好多男人都渴望遇上一個隨時可以升溫嘅伴侶。但美國有性學專家分析,要令伴侶由怕醜一下子變淫蕩,一定要從日常的相處下工夫,唔可以臨急抱佛腳,上到床先渴望將佢一撻即着。

專家話伴侶最鍾意有誠意嘅男人,只要平時肯為佢哋多做小情小趣嘅舉動,就可以令伴侶愛得更投入,而伴侶愛得愈深就愈唔介意全情奉獻,自然會準備好同你享受性愛,所以一旦埋牙接觸時,就能夠更快燃起慾火、表現得更放,令你喜出望外。

送贈內褲

送內衣褲好多時都係情侶之間表現親密嘅一種手法,但,就要做多一重工夫,就係盡量唔好夜晚送,仲要唔好喺屋企送,最好喺辦公室或者食早餐嘅時候送。等佢拆開嗰陣會有一份遐想同期待,要等到放工先可以返屋企試着,呢個過程無形中幫緊伴侶預熱。當然,千祈唔好第一次約會就用呢招啦,當你色狼咁打就弊喇!

愛的紋身

大部分伴侶總喜歡男人經常叫佢哋個名,尤其係一啲好肉麻又特別嘅暱稱,只要你成日將佢掛喺嘴邊,甚至將你同佢之間嘅親暱稱呼紋在身上,伴侶見到就一定會樂上半天。

呢種行為,會令伴侶覺得你好在乎佢、好愛佢,呢種備受寵愛嘅感覺,能令慾火隨傳隨到。

驚喜禮物

依家嘅男人愈來愈冇新意,無論生日、聖誕節、情人節都淨係識得送花,仲要係千篇一律包好晒嘅行貨玫瑰花。其實伴侶收到呢啲行貨,興奮極有限,分分鐘會冇咗預熱嘅功效,所以想伴侶慾火升溫,男人心思一定不能少。尤其是小禮物最好係失驚無神咁送,唔使等大時大節嘅,咁先至有驚喜㗎嘛!

表達思念

情侶之間,伴侶最常問男方嘅問題,應該係:「有冇掛住我?」男人如果永遠只懂喺呢個時候答:「掛到死!」最多只係攞到70分。雖然伴侶聽到男人咁答,都會甜在心頭,但卻未至於會令體內慾火升溫,事關次次都要自己問。所以男人應該早伴侶一步,搶先表達自己對佢嘅思念,見少一秒都覺空虛,咁樣伴侶就會冧到痹,隨時一見面就表現狂野,令你措手不及。
返回列表