免費論壇 繁體 | 簡體
Sclub交友聊天~加入聊天室當版主
分享
返回列表 回復 發帖

床上太多餘 令伴侶反感

http://the-sun.on.cc/cnt/adult/20120221/00511_001.html

最近政府話要加強中港交流,所以計劃開放粵港自駕遊,呢個做法真係多餘,家陣咁多同胞嚟香港旅遊、工作、生仔,已經有大量交流啦,仲要畀佢哋駕車來港,咪盞發生更多交通意外,令路面更加擠塞!

不過,呢項政策幾多餘,都唔夠男人喺床上做埋啲多餘嘢咁討伴侶厭,分分鐘會令伴侶嬲到一腳伸你落床添!每個人都總有啲慣性小動作,例如「印」腳、摸面、舔嘴等等,呢類小動作俱屬多餘,唔做唔會死,做完又唔會靚咗或型咗,有時仲可能會令意外發生。好似駕車途中,若然唔覺意「印」腳,隨時踩錯油門或煞車掣,發生車禍嘅機率無端端大大提升,你話係咪多餘累事呢。至於床上嘅多餘事亦同樣累事,更會影響伴侶關係。

複雜多變

作家Tristan Taormino,於其最新著作當中就表示,伴侶心理複雜而多變,所以一旦心情唔好,上床嘅時候又得唔到男人嘅適當刺激,好容易就會因為男人一個多餘嘅動作而發脾氣,甚至即場終止一場床戰。而事實上,男人喺床上嘅行為,有時又真係好多餘嘅,以下就係好例子。

過分自信

好多男人都自信睇得三級片多,又或者專注研究日本AV男優之王加藤鷹嘅性愛教育影碟,就可以深諳性技嘅箇中精髓,上到床自不然應付餘裕,令每個伴侶都咬碎銀牙,甚至冇咗自己唔得。

其實,喺伴侶眼中,幾乎每個男人嘅床上功夫都相差無幾,而且現實係一山還有一山高,你夠長夠粗咩,難保又有人比你更天賦異稟喎,所以唔好喺伴侶面前認自己性技非凡,表現好勁,過分嘅自信只會令對方反感。

多餘說話

要令兩性關係加深,互相探討有關性愛嘅問題相當重要,不過美國性學專家Patti Britton就話,伴侶若然感覺唔到伴侶可以給予自己足夠安全感,就唔會亦唔想同對方探討性問題。只可惜,男人有時就係咁多餘,進行交歡途中會問對方想刺激邊一處?想用邊種體位之類大煞風景嘅問題,做完之後,又問對方自己表現如何,一般怕醜嘅伴侶絕對會覺得煩厭。

動作太多

好多男人都知道,要令伴侶得到高潮,應因應不同對象而擬定策略,不過,最多人覺得有效嘅方法,就係刺激對方。Tristan Taormino就表示,刺激G點神奇按鈕,確實可以令伴侶高潮迭起,不過位置不盡相同,而且需要事前作適合前戲。可惜男人成日以為自己好了解伴侶身體結構,而經常向錯誤位置進行刺激,懶醒唔得醒,真係唔做好過。

討厭玩具

雖然家陣出品嘅情趣玩具的確新款時尚,而且功能齊全,其外形更加惹人好感,之不過男人往往以為同一件情趣玩具可以取悅所有伴侶,可惜呢個諗法並唔得到認同,Tristan表示,唔少伴侶都唔鍾意情趣玩具,因為見到男方以此刺激自己嘅時候,會覺得自己都變成供男人享樂嘅玩具,所以情趣玩具對於部分伴侶嚟講,真係一件都嫌多。
Max
返回列表